Iðnaðarframleiðslufyrirtækið Borgarplast hf var stofað í Borgarnesi árið 1971 með uppsetningu frauðplastverksmiðju. Árið 1983 var hverfimótunnardeild stofnuð við Hafnarbrau í Kópavogi sem síðan var flutt í Sefgarða á Seltjarnarnesi árið 1988. Síðla á árinu 2008 voru verksmiðjurnar í Borgarnesi og Seltjarnarnesi sameinaðar á sömu lóðinn að Völuteig 31 og 31A í Mosfellsbæ. Hjá fyrirtækinu vinna 30-40 manns, eftir verkefnastöðu hverju sinni.

Vörur úr Polyethylene og Polystyrene
Framleiðslulína Borgarplasts samanstendur af vörum framleiddum úr Polystyrene (EPS) og Polyethylene (PE) að mestu til nota í matvæla-og byggingariðnaði.

Gæða- og umhverfisstefna
Borgarplast er handhafi alþjóðlega gæðavottunarstaðalsins ISO 9001, síðan 1993. Einnig rekur fyrirtækið vottað umhverfisstjórnunarkerfi ISO 14001 og hefur gert síðan 1999. Árlega rennur 6-8% af veltunni til gæða-,umhverfis-og vöruþróunarmála.

Framleiðslugeta
Árleg framleiðslugeta hverfismótunardeildar fyrirtækisins samsvarar framleiðslu á 75.000 einangruðum kerum.

Viðskiptavinir
Mikil áhersla er lögð á útflutning á framleiðsluvörum fyrirtækisins en einnig á heimamarkað. Að jafnaði eru árlega fluttar út vörur til 30 landa víðsvegar um heim, einkum einangruð ker og vörubretti.
Vörur til byggingariðnaðar eru seldar á heimamarkaði og til nágrannalandanna Færeyja og Grænlands.